Арилжаагаар карьер хөөх нь

Арилжаа бол насан туршийн мэдлэг. Энэ замд та хэзээ ч “бүгдийг сурлаа” гэж хэлэх боломжгүй.
Цаг үе өөрчлөгдөнө, зах зээл өөрчлөгдөнө, харин арилжаач хүн эдгээр өөрчлөлттэй хамт хөгжиж, илүү ухаалаг шийдвэр гаргаж сурах ёстой.

Проп фирм танд их хэмжээний капитал удирдаж үзэх мэдрэмж, хариуцлага, туршлагыг өгдөг.
Зөвхөн ашиг олох бус, бодит эрсдэл дунд шийдвэр гаргах сэтгэлзүй, сахилга, дүн шинжилгээг хөгжүүлэхэд тусалдаг. Ийм орчинд та зах зээлийн хөдөлгөөнийг илүү гүнзгий мэдэрч, алдаа ба амжилтын аль алийг нь мэдэрч, эрсдэл болон өгөөжийн тэнцвэрийг бодитоор ойлгож сурдаг. Шалгуур давна гэдэг нь том данс эзэмшээд зогсохгүй “суралцах боломж” гэдгийг ойлгох хэрэгтэй.

Бусад мэргэжилтэй харьцуулахад арилжаа танд юу өгдөг вэ?
Мэргэжил бүр сайхан, мэргэжил бүрд боловсролын зэргээ ахиулна, илүү туршлага хуримтлуулна, албан тушаал ахина зэрэг дараа дараагийн зорилго, хөгжил тодорхой байдаг. Харин арилжаанд хөгжих, илүү сайжрах боломж таны дотроос эхэлдэг. Эмч хүн хүнийг эмчилдэг, инженер бүтээн байгуулалт хийдэг бол арилжаач хүн өөрийн сэтгэлзүйгээ хянаж, өөрийгөө удирдаж сурах ёстой болдог.

Арилжаа танд хамгийн хатуу, гэхдээ хамгийн шударга багш болдог. Хичээл зүтгэлийг тань шагнаж чаддаг шигээ шуналд тэр дор нь хариу барьдаг. Энэ утгаараа арилжаа бол хамгийн эрх чөлөөтэй, хамгийн шударга салбар юм. Тиймээс хэт том ашиг хөөхийн оронд, урт хугацааны тогтвортой байдлыг зорилгоо болгоорой. Мэргэжлийн арилжаач гэдэг нь сайн өдөр, муу өдрөө ялгаж чаддаг, амжилтдаа барддаггүй, алдаандаа хэт урам хугардаггүй хүн юм.

Арилжаа танд өдөр бүр шинэ түвшинд хүрэх боломж өгдөг. Зах зээл өөрчлөгдөх бүрд таны сэтгэхүй, шийдвэр гаргалт, стратеги ч бас өөр түвшинд дэвших шаардлагатай болдог. Хэрвээ та энэ өөрчлөлттэй хамт хөгжиж чадвал түр зуурын ашиг хөөгч биш, жинхэнэ мэргэжлийн арилжаач болно.

Өөрийгөө хөгжүүлнэ гэдэг зүгээр нэг судалгаа унших биш. Энэ бол сэтгэлзүйгээ бэхжүүлэх, алдаагаа дүгнэх, арга барилаа оновчтой болгох, зах зээлийг илүү уян хатан өнцгөөс харах гэсэн үг. Амжилттай арилжаач бүр дансандаа бизнес шиг ханддаг. Тэд тоо баримт, өгөгдөл, үр дүн дээр тулгуурлаж, сэтгэл хөдлөлөөс ангид шийдвэр гаргадаг. Бизнесийн амжилт шиг л арилжаанд үр дүн гаргахын тулд эрсдэлээ хянах, зорилгоо тодорхой болгох, системтэйгээр хандах хэрэгтэй.

Үүний дараа өөрийн системийг төгөлдөржүүлж, урт хугацаанд өөрийн хөрөнгө, өөрийн сэтгэлзүйтэйгээр бие даасан арилжаач болох явдал юм. Тиймээс проп фирмийг туршлага хуримтлуулах, өөрийгөө сайжруулах шат гэж харах хэрэгтэй.

Арилжааны карьерыг юу ч хязгаарлаж чадахгүй. Харин проп фирм бол энэ урт аялалд таныг хөгжиж, туршлага хуримтлуулах, өөрийгөө дараагийн түвшинд бэлтгэхэд туслах орчин юм. Үүний дараа өөрийн системийг төгөлдөржүүлж, өөрийн хөрөнгө, хариуцлагатайгаар бие даасан арилжаач болох явдал. Арилжаанд хязгаар гэж үгүй зөвхөн дараагийн түвшин л бий.